أعلان عن فتاة

أبحث عن فتاة سمرة عيناها حمرة ... شفتاها جمرة ... تحمل عنى بندقيتى ... تمسك بسفينتى ... نرحل معا الى مدينتى ... مدينة الأحلام اريها دنيتى ... شكوتى ... لمستى ... همستى ... نقاتل سويا جبروت وحدتى ... تمسح دمعتى ... وتسقينى الخمرة ... بطعم التمرة ... أبحث عن فتاة سمرة ... عيناها حمرة ... شفتاها جمرة ... _______________ كلمات/ أحمد حسن

أى حب بعد منى

أى حب

بعد منى ...

مش حيغنيك

لحظة عنى ...

ان كنت ناسى

خليك فاكرنى ...

كنت ريشتى

وقلمى وفنى ...

أصل الحكاية

من غير تجنى ...

أنا منك

وأنت منى ...

بقى معقول !!!

البعد يطول !!!

وأفضل هنا

حزين مستنى !!!

كلها يومين

ونرجع حبيبين

والكون حوالينا

يرقص يغنى ...

بعد السلام

ننسى الخصام

ونعيش حبايب

بعد التمنى ....
============
كلمات وريشة/ أحمد حسن

مين السبب ؟؟

مــيــن الـسـبــب !!!!

مـيــن الـسـبــب !!!!!

فـــى الـلــى كــــان

والــلــى جــــرى ...

مـيـن الـلــى جـرجــر

خــطـــوة لـقــانــا

لـــــلـــــورا ...

مـيــن الـلــى قــــاد

احــســـاســـى ...

مـيــن الـلــى رجـــع

كــــاســـــى ....

بعد الحلاوة ممررة ...!!!!!!!!

أنــــت الـســبــب ...

أنـــــت الـســبــب

فـــى الـلــى كــــان

والـلــى انـكـتــب ...

فـــــى الـــهـــوان

وفــــى الـتـعــب ...

أنــــت الـسـبــب ...

أنــــت الـسـبــب ...

يامركب وتايهة

يـامـركـب وتـايـهـة
==========

يـا مـركـب وتايـهـة

وبـحـرك بعـيـد ...

ونـــور الـفـنــارة

طفـوه لـم يقـيـد...

وكـــل الـمـوانــى

وكـــل الأمــانــى

وبـحـرك ومـوجــك

طلـع مـش أكـيـد...

يامـركـب وسـايــرة

ونجـمـك عـنـيـد...

شـراعــك مـكـسـر

ومـوجـك حـديـد...

ياميـت ألـف حـسـرة

تموتـى فــى كـسـرة

ومـــلاح بـذكــرى

عـايـش وحـيــد...

يافجـرى اللـى طـالـع

ياحلـمـى الجـديـد...

مـلــوك بالـمـواجـع

مـلـوك بالصـديـد...

أشـوف دمعـة تـجـرى

فـى رمشـة عينيـك...

ألـمـلـم سـكـاتــى

وانـــده عـلـيـك...

يضيـع صوتـى عـنـك

وأنادى مـن جديـد...

يـامـركـب وتـايـهـة

وبـحـرك بـعـيـد...

ونـــور الـفـنــارة

طفـوه لـم يقـيـد...

وكـــل الـمـوانــى

وكـــل الأمــانــى

وبـحـرك ومـوجــك

طلـع مـش أكـيـد...

طلـع مـش أكيـد...

بندوب

بندوب ...

لانتوب ..

وكلامك

للقلب يدوب..

بحر النسيان

ركن الأحزان

دم بشريان

مسكوب ...

لا مقدر

ولا تقدر

تقول مكتوب

وعيون القلب

مكانك ...

وزرعنا الحب

عشانك ...

بستان ورد

لمحبوب ...

وندوب ...

مانتوب ...

وكلامك للقلب

يدوب ...

نفسى أعرف ؟؟؟

نفسى أعرف..

أنت ليه

غضبان عليه ؟؟؟

أنت فاهم

ان قلبى

بين ايدية ؟؟؟

ولا واخدة

الحب غية ؟؟؟

الهوى عندى

أشوفك كل ثانية

وأنت دايما فى غياب...

الهوى عندى

السعادة مش أسية

وأنت وريتنى العذاب ...

كنت بأطمن لكلمة

الناس قالتها ...

فى الأغانى

من قلوبها رددتها ...

مستحيل الحب تانى

ان هويت الأولانى

وفى النهاية

مش حقيقة

التقيته مرة تانية

التقيته مرة تانية

أنا مش بأخونك

* * *

أنا مش بأخونك

أنا مش بأخونك ..

أنا مش بأهينك ..

لما أقولك نفترق ...

واللى كان

بينى وبينك ..

خيط رفيع

بيتحرق ...

* * *

اسألى قلبك

يقولك ...

أسألى عقلك

يدلك ...

راح ينورلك

بصيرتك ...

ولما نوصل للنهاية ...

ماتعيديش

تانى الحكاية ...

وأنا أصلا م البداية ...

مقدرشى أخونك ...

وأنا مش بأخونك